Kristiano Ronaldo vazhdon të shkruajë historinë e futbollit Europian. Ylli portugez, me aktivizimin titulluar në sfidën e sotme ndaj Jang Bojs, ka barazuar rekordin historik të Iker Kasijasit, për sa i përket aktivizimeve në Champions.
Momentalisht Ronaldo dhe Kasijas, kanë plot 177 ndeshje, duke ndarë këtë rekord historik së bashku. Gjasat janë të mëdha që në vijim CR7 t’i lërë targën ish-gardianit spanjoll, duke vendosur një tjetër rekord që do ta mbajë emrin e tij në histori.
Kujtojmë, se Ronaldo është golashënuesi numër një në histori të Ligës së Kampionëve, rekord që ndoshta do duhen dekada që të thyhet.
