Një emër surprizë në listën zyrtare të përfaqësuses së Malit të Zi. Bëhet fjalë për futbollistin shqiptar Kristijan Vulaj, i cili është grumbulluar nga trajneri Miodrag Raduloviç, për 3 sfidat e muajit mars ndaj Letonisë, Gjibraltarit dhe Norvegjisë. Lajmin e ka konfirmuar edhe klubi shqiptar në Mal të Zi, KF Deçiç Tuz.
“Futbollisti ynë, Kristijan Vulaj është ftuar nga përfaqësuesja e Malit të Zi. Njëherasi është shkruar historia; futbollisti i parë i Deçiqit në 94 vitet e fundit që ftohet në ekipin A të Malit të Zi”, shkruhet në njoftimin e klubit shqiptar.
Kujtojmë që Vulaj më parë ka luajtur edhe për grupmoshat U19 tëMalit të Zi. Vlera e tij në transfermarkt është 125 mijë euro.
Ky futbollist eshte shnderruar ne protagonistin kryesor per ekipin e Deçiçit i cili eshte sivjet surpriza e kampionatit malazez. Kjo skuader renditet e dyta dhe Vulaj ka shenuar edhe sot duke i dhene fitoren asaj ndaj OFK Titograd.
