Egnatia ia doli të finalizojë në mënyrën më të mirë të mundshme këtë sezon, teksa pasi siguruan ngjitjen në Kategorinë Superiore, ditën e sotme triumfuan në finalen e të Parës, duke mposhtur minimalisht Dinamon.
Pasi triumfuan ndaj kryeqytetasve, skuadra e Gugash Maganit, festoi titullin e fituar, së bashku me ata pak tifozë, të cilëve iu ishte lejuar të ishin të pranishëm në këtë ndeshje të veçantë për ta.
Heroi Shtubina, i cili është edhe kapiteni i ekipit rrogozhinas, ishte ai i cili mori trofeun dhe e ngriti bashkë me skuadrën në “Elbasan Arena”, dhe më pas kaloi dorë më dorë për të festuar.
