Gjendja e tapetit te fushes sportive “Reshit Rusi” eshte kthyer ne nje shqetesim te madh per drejtuesit e Klubit dhe te Akademise Vllaznia. Ai eshte amortizuar jashte çdo normative dhe tashme nuk behet me fjale per tapet sintetik por thjesht beton.
Pavaresisht se ne kete fushe sterviten te gjithe ekipet e Akademise Vllaznia, herepashere ekipi i pare i saj, e po ashtu edhe ai i femrave, aty luan Veleçiku e sterviten ekipet kombetare rajonale, serish askush nuk ka bere diçka per zevendesimin e tij.
Bashkia Shkoder si pronarja e kesaj fushe e ka te pamundur nga ana financiare per ta bere zevendesimin e tapetit dhe herepashere ka kerkuar edhe mbeshtetjen e Federates por kjo gje nuk ka ndodhur.
Nderkohe, sot KF Teuta permes faqes se saj zyrtare ka bere te ditur se ka nisur puna per shtrimin e tapetit te ri ne fushen e aneksit prane stadiumit “Niko Dovana”. Nuk ka bere te ditur se kush e ka financuar, por nuk perjashtohet mundesia qe te kete gisht ne kete mes FSHF.
Kujtojme qe tapeti i fushes “Reshit Rusi” ne Shkoder eshte shtruar ne vitin 2009 dhe qe atehere nuk eshte bere me asnje nderhyrje duke bere qe tashme pas 12 vitesh ky tapet te kete degraduar./SHKODRA-SPORT.COM/
