Ndeshja e sotme gjysmefinale ne mes Vllaznise dhe Tiranes ka nje eveniment i rendesishem per sportdashesit shkodrane sepse dy skuadrat e volejbollit te meshkujve do percaktonin finalisten e dyte te kampionatit.
Ashtu siç shkruam edhe ne nje shkrim tjeter, ajo qe ra nder te tjera ne sy ne kete takim ishin shkallet bosh te pallatit te sportit “Qazim Dervishi” qe nuk ishte mbushur dot as ne gjysmen e kapacitetit te tij.
Arsyet mund te jene te shumta dhe me kryesorja, tifozet nuk kane patur shume dijeni per oren dhe daten se kur do te luhej kjo ndeshje. Nje shembull qe e verteton kete eshte “harresa” qe drejtuesit e klubit kane patur per t’i bere reklame kesaj sfide te rendesishme.
Menyra e vetme qe kane perdorur deri me tani per te njoftuar tifozet per oren dhe daten e zhvillimit te ndeshjeve te lojerave me dore, ka qene vendosja e tyre ne nje stende qe eshte e pozicionuar ne pedonalen e qytetit.
Por per koinçidence, per njeren nga ndeshjet me te rendesishme te sezonit dhe per ekipin me te suksesshem te lojerave me dore, ate te volejbollit te meshkujve, nuk ka asnje njoftim.
Fotoja e bere sot ne stenden perkatese na ka mberritur ne redaksi dhe e tregon me se miri kete gje. Shpresojme qe drejtuesit e klubit ta kene harruar kete here por te kene nxjerre mesimin e duhur qe ta korigjojne ate per ndeshjen e pare finale, ate qe do te zhvillohet diten e diele ndaj Partizanit po ne “Qazim Dervishi”.
© shkodrasport.com
