Pak dite me pare kater boksiere shkodrane bejne nje paraqitje shume te mire ne nje event te organizuar ne Tirane, te emertuar “Grushti i hekurt” ku arriten fitoret e tyre te rradhes ne boksin profesionit. E kemi fjalen per Nelson Hysen, Arjon Kajoshin, Senad Drinin dhe Armando Grishajn.
Keto fitore, padyshim qe i kane ndihmuar kater sportistet shkodrane te ngjiten edhe me shume ne ranglisten boterore dhe kjo sigurisht qe do t’i ndihmoje edhe me shume ne rrugetimin e metejshem ne boksin profesionist.
Keshtu fitorja e Nelson Hyses me nokaut ndaj Vikapito Meroro e cila ka qene e shtata per te ne boksin profesionist, ne po kaq ndeshje te zhvilluara, perveçse i ka dhene atij gjerdanin e arte te Federates UBO, e ka ndihmuar te ngjitet nga vendi i 177-te ku ndodhej para kesaj ndeshje, ne vendin e 152-te ne bote tashme.
Por rritjen me te madhe nga te gjithe sportistet e ka patur Arjon Kajoshi. Para ndeshjes se dates 17 mars me lituanezin Ivans Levickis, ndodhej ne vendin e 465-te ne bote, ndersa pas kesaj fitore ai ndodhet ne vendin e 292-te ne bote. Kjo ka qene fitorja e 6-te per ne boksin profesionist (4 me KO), ne 6 ndeshje te zhvilluara.
Me rritje eshte edhe boksieri i ri Senad Drini eshte i 486-ti ne bote teksa ka zhvilluar deri tani dy ndeshje, te cilat i ka fituar te dyja me nokaut. Edhe boksieri tjeter i ri shkodran Armando Grishaj i cili ka qene i 1060-ti ne ranglisten boterore, pas fitores se pak diteve me pare eshte ne vendin e 936-te ne bote.
Ecuria e deritanishme e ketyre kater sportisteve eshte shume e mire dhe me siguri qe ne te ardhmen ato do te ngjiten edhe me lart. Kuptohet qe syte e te gjitheve jane perqendruar tek Nelson Hysa i cili ka premtuar qe brenda vitit 2023 do te renditet ne 100-shen me te mire te botes dhe me ecurine qe ka, mund t’ia dale.
Gjergj KOLA
