Tirana do të luaj nesër me Bylisin në 13:45. Sfida e “Selman Stërmasit” vlen për javën e katër të Kategorisë Superiore. Në lidhje me këtë duel, para medieve ka dalë trajneri I Tiranës, Nevil Dede.
Numri një I stolit të kampionëve do ta ketë ndeshjen e dytë me Tiranën, teksa është ndalur te humbja me Vllazninë dhe loja e mirë që të tijtë kanë zhvilluar. Fokusim maksimal te Bylis, duke kërkuar inpenjim në fushë teksa tregon rikthimin e Hoxhallarit pas dëmtimit.
Tre humbje radhazi, sa i vështirë është motivimi? Është e vërtetë që rezultatet nuk janë të mira, sidomos për objektivat dhe historinë e klubit tonë. Mendoj që grupi është i qetë. Në këto momente që ne flasim, na takon të marrim më shumë përgjegjësi që të rikthehemi sa më shpejt te rezultatet pozitive dhe më pas çdo gjë të marrë rrugën që i takon këtij klubi.
Bylis? Unë e kam thënë dhe do ta them gjithmonë, që kam respekt për çdo ekip, për çdo kundërshtar që ne kemi në Superligë. Të gjithë mundohen të investojnë dhe të punojnë. Në këtë situatë të gjithë dinë të luajnë futboll. Nga ana profesionale të gjithë klubet janë rritur dhe kjo është shumë pozitive, plus edhe infrastruktura dhe interesimi i mediave. Me respektin që kemi karshi kundërshtarëve, do të mundohemi t’iu imponohemi në fushë, me personalitet.
Humbja me Vllazninë? Të jem i sinqertë forca e reagimit të grupit, ishte arma më e fortë dhe sinjali më i mirë që mora nga ekipi dhe djemtë. E rëndësishme është që ne të vazhdojmë me atë forcë karakteri. Jo më larg se sezoni i kaluar kjo ishte arma më e fortë e tyre. Ata besonin dhe në fund ja dolën.
Tirana po u nis është e vështirë të ndalojë. Është një fillim jo i mirë, por nga ndeshja me Vllazninë, unë do të thoja vetëm kaq, ne nuk dolëm nga ajo ndeshje si humbës sepse, u munduam të bëjmë lojën tonë, shkuam te goli disa herë. Goditëm portën dhe shënuam 2 gola.
Dëmtimet? Lajm i mirë është që Hoxhallari rikthehet. Kemi disa lojtarë që shpresojmë që shumë shpejt të rikuperohen dhe të bëhen pjesë e rëndësishme e skuadrës. Realisht kanë vlerë.
I gjithë grupi do kohën e vet. Minimalisht ne do të kërkojmë që brenda javës, të rikuperojmë nga dëmtimi disa futbollistë. Po rikuperuam këta lojtarë do të jetë një Tiranë tjetër”, tha Dede mes të tjerash./newsport/
