Neymar nuk e pranon që u largua nga Barcelona për të sfiduar Lionel Messin.
Në një intervistë për “France Football”, braziliani thotë se atë do ta dojë gjithmonë dhe e vlerëson si lojtarin më të mirë që ka parë në fushën e lojës.
Është një lojtar i jashtëzakonshëm, më i miri që kam parë duke luajtur. Nuk është surprizë që ka 6 ‘Topa të Artë’. Do ta dua gjithmonë Leo Mesin.
Unë u largova nga Barcelona sepse doja objektiva të tjerë, por nuk ka lidhje që ika për ‘Topin e Artë’. Unë kam pasur nderin të luaj përkrah tij dhe është miku im. Do ta dua gjithmonë”, deklaroi Neymar.
