Kampionati kombetar i basketbollit per meshkuj ka ulur siparin e tij pak dite me pare me kurorezimin e Beselidhjes kampione te Shqiperise per sezonin 2023-2024. Lezhjanet fituan me rezultatin 4-0 ndaj Teutes dhe shkruan historine duke u shpallur per here te pare kampione te vendit.
Por, nderkohe faqja e njohur eurobasket.com ka perzgjedhur edhe 5-shen me te mire te kampionatit dhe ne mes lojtareve te dale sipas statistikave, rezulton te jete edhe nje shkodrane. Behet fjale per Elian Memçajn, 22 vjeçarin i cili e nisi kampionatin me Vllaznine dhe me pas kaloi tek Teuta.
I pari ne renditjen e eurobasket eshte nje tjeter lojtar i Teutes, Pat Bacon, i cili ndiqet nga Memçaj qe renditet i dyti. Me pas i treti eshte lojtari me i mire i kampionatit, Julian Hamati i Beselidhjes ndersa 5-shja plotesohet me Jamarcus Jones te Apolonise dhe Endrit Hysenagolli te Tiranes.
Nderkohe ne 5-shen e dyte me te mire te kampionatit, jane edhe dy basketbolliste te Vllaznise, pikerisht Craig Sabb dhe Dy’Quavis Wilkins. Bashke me to jane edhe Gerad Davis i Tiranes, Dominique Keyes i Kamzes dhe Philbert Weekes i Beselidhjes.
Siç shikohet, nje renditje e tille flet qarte dhe evidenton vlerat e basketbollistit shkodran Elian Memçaj i cili eshte njekohesisht nder tre basketbollistet shqiptare qe jane te vetmit ne mes 10 me te mireve te kampionatit sepse ne te dominojne amerikanet./www.shkodrasport.com/
