Disa mund të kenë parë që fundjavën e kaluar ndeshja midis Reading dhe Port Vale u ndërpre pas 16 minutash. Kohë e keqe? Probleme me ekipin e arbitrave? Asnjë nga këto. Tifozët e Reading kanë pushtuar masivisht fushën për të protestuar kundër pronarit kinez Dai Yongee, i cili po e çon klubin drejt zhdukjes.
Dhe nuk e ekzagjerojmë. Vetëm nga viti 2022 e deri më sot ja cfare ka ka ndodhur:
– Reaging është penalizuar në renditje me 16 pikë në total
– Zbritja në League One (niveli i tretë i kampionateve) për herë të parë në 22 vjet
– Merkato e bllokuar për 5 sezone
– Pagesat e taksave dhe detyrimeve pothuajse gjithmonë kanë ardhur me vonesë, të tjerat nuk kanë ardhur fare
– Mungojnë pagesat e pagave në të paktën 3 raste, më e gjata dhe më e fundit që nga nëntori 2023
– Ulje e pakuptimtë e kostove të përgjithshme: ndalohet të kalohen netë në hotele për ekipin mbrëmjen para ndeshjeve jashtë, ndalohet ushqimin në qendrën sportive (vetëm ushqim të ngrohur për lojtarët, shumë prej tyre e marin nga shtëpia), ndalohet ngrohja në zyra
– Lojtarët më të rëndësishëm shiten pa e njoftuar më parë trajnerin
– Asnjë lloj interviste apo paraqitje publike
Liga Angleze e Futbollit, e cila deri më tani nuk kishte dhënë asnjë njoftim dhe gjithashtu kishte lejuar që klubi t’i shitej fillimisht Dai Yongee, tani dëshiron të korrigjohet. Ai e gjobiti pronarin me 80 mijë paund, duke e ftuar të shesë aksionet e tij për të mirën e fansave dhe komunitetit. Jo vetëm kaq, liga do të takojë tifozët e Reading për të kuptuar se çfarë hapash duhet të ndërmarrë.
Klubi mund të shkojë në administrim, të zbresë më tej, por të paktën të çlirohet nga barra e pronarit të tij dhe më pas të përpiqet të rifillojë, por nëse kjo nuk ndodh, Yongee mund të qëndrojë derisa klubi të falimentojë (nëse shitet tani, do t’i duhej të shlyente një borxh që përkundrazi nuk do të kishte pritur për dështim).
Shpresa është që të paktën Liga ta bëjë zërin e saj të vlefshëm. Për integritetin e sistemit të futbollit dhe komunitetit te Reading./telesport/
