Teuta do të luajë sot kundër Sherif Tiraspolit, ndeshje e vlefshme për turin e parë të Champions League. Sfida do të nisë në orën 19:00, teksa trajneri Edi Martini ka caktuar titullarët që do të zbresin në fushë.
Ka pasur dyshime deri në momentin e fundit, megjithatë shkodrani ka zgjedhur t’i besojë lojtarëve që shkëlqyen në sezonin e kaluar.
Nga minuta e parë do ta nisin dy “prurjet” e verës në formë huazimi. Bëhet fjalë për Sherif Kallakun dhe Taulant Seferin. Më poshtë njihuni me 11-shen titullarë që “Djemtë e Detit” do të zbresin në fushë ndaj moldavëve.
Frashëri; Todorovski – Hoxha – Arapi – Jackson; Vila – Aleksi; L.Vila – Kallaku – Bregu; Seferi.
