Dje dhe sot ndoqa ndeshjet e javes se dyte te fazes se 4 te Superliges shqiptare te futbollit. Te them te drejten pothuajse te gjitha takimet me lane nje shije te hidhur e kjo per shkak te arbitrimeve skandaloze.
Nuk e di se si mund te guxosh ende te tallesh kaq ashiqare me djersen e futbollisteve, me punen plot sakrifica te trajnereve e stafeve drejtuese te ekipeve apo edhe me parate qe hedhin presidentet per klubet e tyre e me keq akoma nuk e di se si mund te kesh goxha kurajo te injorosh banalisht ndjenjat e mijera tifozeve qe shkojne ne stadium per te ndjekur skuadren e zemres te qytetit te tyre.
Pa e tepruar fare e me plot gojen mund te them se keta nuk jane Arbitra, por thjesht sharlatane, palaco, kamikaze te paguar e te urdheruar qe vetem me futbollin nuk mund te kene kurrfare lidhje.
Mire qe Dinamo eshte me keq sa nuk ka ku te shkoje me, po ti mor kodosh arbitri pse e denon me ate fare penalltie skandaloze ne fund te ndeshjes ne Lac?
Mire qe Skenderbeu me plot halle, mbyll tabelen e klasifikimit po pse ti mor kodosh arbiter i mohon nje penallti flagrante korcareve ne pjesen e pare ne ndeshjen ne Elbasan kunder Partizanit?
Si ka mundesi qe ne Durres – Arbitri nuk e mbyll ndeshjen [ lejon plot 101 minuta loje ] derisa vendasit te gjejne rrugen e rrjetes kunder Vllaznise e te dalin pa humbje nga kjo ndeshje, edhe pse goli i durrsakeve ne minuten e 99 po te shihet me kujdes eshte offside.
Si ka mundesi qe pasi i anullon nje gol [ te diskutueshem ] Kukesit ne ndeshjen kunder Kastriotit, arbitri deri ne fund te ndeshjes per kompensim i derrmoi krejt gjate gjithe lojes krutanet.
Megjitheate te pa pranueshme disa veprime anti – futboll te krutaneve te cilave nuk i shpetuan dot as kapiteni Neziri e as trajneri Cela.
Kastriotit bravo i qofte per c’ka po ben, por kujdes se po kthehet ne nje kopje te shemtuar te Lacit te dikurshem ku shpesh dhuna dhe nderhyrjet e ashpra ne fushen e lojes perdoren si presion psikollogjik ndaj kundershtarit me qellimin e vetem fitoren e ndeshjes me cdo kusht.
Ka gabime njerezore qe duhen pranuar llogjikisht e per te cilat arbitrat nuk duhen vene ne Gijotine…por kur ti sot ke si ndihme goxha te madhe edhe sistemin VAR dhe serisht gabon rende e shpesh me qellim atehere nuk mund te behet me fjale as per futboll e as per arbitra por thjesht per palaco e sharlatane me bilbil ne goje te cilit i fryjne sipas komandes e urdherit qe marrin ‘”nga lart”.
Mire qe ate vend politika e ka bere pis e zhul sa me s’ka…por te pakten mos e ndyni futbollin e mos e katandisni deri ne kete fare derexheje sa te mos kesh me asnje lloj deshire ta shohesh e ta ndjekesh ne stadium jo e jo por as edhe permes ekranit te TV.
Ky nuk eshte futboll, ky eshte Turp dhe fatkeqesisht turpi tashme ne ate vend quhet e konsiderohet thjesht …normalitet!
