“Do kisha thene se neser Vllaznia luan ndeshjen me deçizive te saj pergjate ketyre 30 javeve. Per mua eshte me deçizivja sepse Vllaznia perballet me Teuten e Durresit, me rivalen e saj te drejtperdrejte per titull ne kete faze tejet delikate te kampionatit.
Si Vllaznia dhe Teuta jane me merite ne vendet e para dhe padyshim qe ato kane rivalizuar denjesisht deri ne keto jave.
Parashikoj se perballja mes Vllaznise dhe Teutes do jete nje duel i bukur dhe interesant ku te dyja ekipet do kerkojne te marrin maksimumin e pikeve dhe nga ana tjeter ato do dine qe ne 90 minutat e kohes efektive te shpalosin ate loje e cila do i pershtatet kesaj ndeshjeje.
Kjo eshte nje perballje e tille ku petku i favoritit realisht nuk ekziston sepse shanset jane te barabarta per te marre fitoren pavaresisht se mund te mendohet se Vllaznia eshte favorite ngaqe luan ne shtepi. Perballjen e neserme e shoh si nje lloj urie e brendshme nga ekipet per ti rrembyer fitoren njera tjetres ne Loro Borici. Kjo uri per rezultat anon me shume nga Vllaznia.
Skuadra shkodrane kerkon fitoren ne nje fare menyre per te harruar humbjen me Tiranen nje jave me pare. Mendoj se humbja ndaj bardhebluve nuk eshte tregues se ekipi mori disfate dhe tashme ajo humbi rrugen ne garen per titull.
Besoj se kjo nuk do kete ndikim negativ te grupi i lojtareve perkundrazi do i sherbeje atyre per te bere serish ate lojen e bukur siç e bene ne kryeqytet por kesaj here me synimin e qarte per te marre fitoren pasi eshte i vetmi rezultat i pranueshem e mbase ky do ishte rezultati ku do i jepte serish Vllaznise kryesimin ne kampionat.
Nga ana tjeter, Teuta nuk do hyje ne fushen e lojes asesi per te marre nje barazim. Durrsaket do kerkojne te shtangin Vllaznine e ti japin nje tjeter goditje e njekohesisht ti kthejne reston shkodraneve per ate humbje ne fazen e dyte.
Fitorja e fundit me Kukesin i’u ka dhene krahe te forta djemve te detit pasi moren kryesimin ne javen e 30-te. Fitorja mbetet detyre parimore per Teuten dhe ne perballjen e Shkodres pavaresisht se sa do jete e mundur qe ajo te arrihet.
Besoj se nese fitorja eshte e pamundur ato do mund te ishin te kenaqur dhe me barazimin.
Per nga loja qe zhvillojne te dyja ekipet mendoj se Vllaznia ben loje me agresive se sa Teuta dhe realisht ato jane me lart te pakten kete sezon. Vllaznia eshte perballur tre here me Teuten dhe ka treguar epersi ndaj tyre.
Vllaznia di se si mundet Teuta dhe Brdariç ka ne dore receten e duhur. Teuta ka dukshem lojtare me te mire ne leter por Vllaznia i ka ato me te mire ne fushen e lojes.”
