Trajneri i ri i Kukësit ka folur përpara ndeshjes së nesërme me Vllazninë. Ish-portieri i Kombëtares vetëm dje është zyrtarizuar te verilindorët, duke veshur menjëherë tutat për një sfidë të rëndësishme.
Nesër në 17:00 në “Elbasan Arena”, ish-trajneri i Skënderbeut kërkon fitore në debutim, teksa ka vlerësuar kundërshtarin. Për çështjen titull, Shehi e sheh si një detyrim jo vetëm të tijin, por edhe të skuadrës.
Kundërshtari i radhës është Vllaznia, si e keni përgatitur ndeshjen?
Në këtë fazë të kampionatit është tepër e vështirë, aq më tepër që luajmë ndaj Vllaznisë. Është një skuadër shumë e rrezikshme sidomos jashtë fushe. Ka vlerësimin tonë maksimal, do të bëjmë të pamundurën që të marrim fitoren. Koha është e shkurtër për tu përgatitur, por synojmë fitoren.
Ky është kampionati, kam besim të plotë te ekipi, i kam parë dje. Është një situatë e tillë, që mezi presim të reagojmë. Kemi mungesa me peshë, plotë 3 lojtarë, bashkë me Abazajn, i cili është në pikëpyetje, mund të bëhen 4. Kjo na vë në vështirësi, por nuk qajmë mungesat, por do të futemi për fitore.
Çfarëdo situatë të vijë kundërshtari, siç kemi ne objektiva kanë edhe ata. Pas rezultateve negative do të kërkojnë të marrin fitoren, ndaj nesh do të japin maksimumin për të marrë një rezultat pozitiv.
Çfarë mund të ndryshoni?
Kukësi deri në momentet e fundit i ka fituar ndeshjet, po ta shikojmë gjithë ndeshjen nuk e ka dominuar asnjë skuadër. Kjo i ndodh çdo ekipi dhe besoj se kësaj i ka ardhur fundi. Nuk është momenti të krahasohem me ish-trajnerin Duro. Do të fokusohem më shumë te ana psikologjike, për ti treguar skuadrës që ka elementë cilësorë.
Titulli?
Kukësi është ndërtuar për të fituar. Nuk është detyrim vetëm i imi, por i gjithë skuadrës, për të bërë më të mirën dhe për të mbërritur te titulli./newsport/
