Klubet greke vazhdojnë solidarizimin për Shqipërinë duke lënë mënjanë çdo problem politik, urrejtje etnike apo gjithçka që ka ndodhur në të shkuarën. PAOK-u nisi të grumbullonte ndihma, AEK shprehur ngushëllimet dhe u solidarizua me Shqipërinë ndërkohë që është radha e Panathinaikosit për t’u bashkuar me dhimbjen tonë.
Klubi grek, nëpërmjet një postimi në rrjetet sociale ka shprehur solidarizimin e tyre për vendin tonë. “Dhimbja e shpirtit tuaj, është dhimbja jonë. Vajtojmë për viktimat që ka shkaktuar tërmeti vdekjeprurës në Shqipëri”, shkruan klubi grek.
Ndërkohë, këtij solidarizimi i janë bashkuar edhe shumë tifozë të cilët kanë shprehur ngushëllimet e tyre dhe kanë harruar për një moment gjithçka. Kujtojmë që ditët e kaluara, edhe shumë klube në Itali u solidarizuan me Shqipërinë pas këtij tërmeti. /VipSport/
