Panik te Skënderbeu, 3 lojtarët titullarë kanë pasur simptomat e Covid-19 dhe janë izoluar menjëherë. Kapiteni Jorgo Meksi, Arinaldo Rrapaj dhe portieri Mario Dajsinani kanë shfaqur shenjat e virusit e për këtë arsye klubi ka vendosur që t’u bëjë tamponat të 3 lojtarëve për të mësuar përgjigjen nëse janë prekur nga Covid-19.
Që të 3 lojtarët janë izoluar për të evituar kontaktet me pjesën tjetër të skuadrës dhe klubi është në ankth pasi pret me padurim përgjigjen e tamponëve.
Covid-19 prej disa kohësh ka prekur edhe futbollin shqiptar, pasi ka të infektuar te Kukësi dhe Lushnja në Kategorinë e Parë.
Nëse Meksi, Rrapaj dhe Dajsinani do të konfirmohen pozitivë, ata do të qendrojnë për 2 javë në karantinë dhe do të jenë mungesa të mëdha për Skënderbeun pasi janë të 3 titullarë në formacionin e Ahmataj. Korçarët do të luajnë ditën e diel ndaj Partizanit në “Elbasan Arena”./newsport/
