Sa herë që kohët e fundit bie fjala te futbolli, natyralisht që mendja me shkon te Shkodra, Vllaznia dhe futbolli i saj që po kalon vite ngërçi, ngërç që sivjet duket se e ka ngërthyer keq e duhet një terapi e saktë e menaxhim i kujdesshëm që të mos e zhysë ne Kategorinë e Dytë qytetin simbol te futbollit shqiptar. E po ti shtoj kësaj situate dhe një pyetje retorike të B. Dizdarit “Shkoder, a nuk e kupton se nuk të duan?” ndjej një lloj revolte dhe sado që e kuptoj shumë mirë Besnikun, nuk mund të mos shtroj edhe une pyetjen tashmë jo fort retorike: Shkoder, a nuk e kupton se me futbollin ke gabuar? Eshte një pyetje e gjerë, me përmbajtje përgjigjesh, justifikimesh e diskutimesh te shumta. Por qe te jem me konkret me “terapinë” që ka nevoje Vllaznia: Mbas pak ditësh zhvillohen zgjedhjet e organeve të FSHF, Kryetarit dhe KE të saj. Jane organet qëndrore të futbollit, janë subjektet te cilave u drejtohet Dizdari me analizën dhe pyetjen retorike e tij, janë organe të cilat ka rrezik të mos kenë ne vitet e ardhshme asnjë përfaqësues të Shkodrës futbollistike. Dhe kjo në një kohë që për herë të parë mbas shumë e shumë vitesh një pinjoll i mjeshterisë futbollistike shkodrane tenton të ketë një vend në KE te FSHF, nje perfaqesues i tille te cilin Shkodra duhet ta ketë patjetër atje, një përfaqësues i tillë që i bën nder futbollit shkodran duke kapërcyer fazat e përfaqesimit të kryeqytetit historik te futbollit nga diletantizmi dhe amatorizimi, pa mohuar absolutisht dëshiren dhe angazhimin e tëe deritanishmëve, por ne te njeten kohe edhe duke pranuar se zeri i tyre deri tani ka qenë i vakët, i pandigjueshëm praktikisht atje ku duhet te ndigjohet fuqishëm. Mekanizmi zgjedhor i organeve qëndrorë te FSHF është i atillë që jo vetëm Vllaznia duhet te mbështesë Fatbardh Jeren, por Bardhi te konsiderohet si zëri i futbollit jo vetëm i Shkodres, por dhe Lezhës, Koplikut, Pukës, Velipojës, Krujës, Laçit apo Kukësit e Tropojës dhe jo vetëm i klubeve respektive të tyre të futbollit te cilat me votat e tyre do të percaktojne përbërjen e re të KE javen e ardhshme, sepse Vllaznia me simbolet e saj ka përfaqësuar dhe perfaqëson denjësisht dhe këto treva veriore futbolldashëse që e identifikojnë veten dhe suksesin e Vllaznisë me vetveten, se në fakt Vllaznia është dhe e tyre.
Në kushtet e sotme të ekonomisë së tregut, konkurrencës me të gjithe elementet e saj eshte e domosdoshme nje perfaqesim i denjë, gjithëpërfshirës dhe cilësor. Dhe me Bardh Jerën, eksperiencën, kualifikimin, të kaluarën sportive dhe performancën e tij Shkodra do dhe duhet të ketë zërin e saj aktiv ne qëverinë e futbollit shqiptar, ate që ka munguar prej vitesh. Shpresoj shumë se me Jerën në FSHF edhe pyetja e Dizdarit “Shkoder, a nuk e kupton se nuk të duan?” do të jetë e pakuptimtë! Dhe me këtë hap te filloje dhe rizgjimi i Vllaznise dhe zenia e vendit qe i takon asaj ne piramidën futbollistike shqiptare, atje ku në fund te fundit gjithë opinioni sportdashes shqiptar do qe ajo te jete.
