Përfundimi i ndeshjes mes Kukësit dhe Egnatias është shoqëruar me një debat të vogël në distancë mes Andi Lilës në studion e “Oversport” dhe të Shpëtim Duros në lidhje direkte. Mes të dyve kishte një shkëmbim batutash që në një moment u nervozua dhe kishte thumbime e kundërpërgjigje.
DEBATI
Lila: Për mendimin tim në këto 8 javë të para skuadra e Egnatias ka prodhuar me të vërtetë lojëra mjaft të mira, gjithashtu në 5 ndeshje…
Duro: Andi, ishalla nuk më ec mua dhe merre ti ekipin. Unë e shoh nga brenda tashti…
Lila: Jo, unë nuk do të marr ekip dhe nuk kam konflikt interesi. Unë jam i drejtpërdrejtë.
Duro: Po ça të them tashti, unë e dhashë përgjigjen e ti do të vazhdosh prapë. Ajo është në vend të parafundit tashti ti më thua mua “kanë qenë mirë, s’kanë qenë mirë”.
Lila: Por në 5 ndeshje nuk kanë pësuar asnjë gol, kjo është. Unë shpresoj shumë që Egnatia të ecë sa më mirë, por disa gjëra që janë të vërteta unë do ti them.
Duro: Të vërteta por unë t’u përgjigja. Ka lojtarë por është ndërtuar struktura e skuadrës jo mirë. Sepse ka shumë organikë, shumë popullim në reparte që duhet të kenë shumë më pak. Unë shqip po flas, s’po them që janë lojtarë të këqij”
