Ka provuar te luaje me disa skuadra ne kampionatin shqiptar, duke filluar nga Tomori i vendlindjes e per te vazhduar me Lushnjen, Bylisin, Flamurtarin, Vllaznine e Kukesin.
Nga te gjitha keto eksperienca, ajo me Vllaznine, ndonese ka zgjatur vetem nje sezon, ate 2015-2016, ka mbetur ende ne mendjen e tij dhe e konsideron eksperiencen me te bukur te karrieres se tij.
E kemi fjalen per Polizoi Arbrin, ish-mbrojtesin e njohur i cili ka pranuar te flase per “Shkodra Sport” duke dhene nje interviste te shkurter teksa ka folur per kampionatin shqiptar dhe eshte ndalur edhe tek Vllaznia. Ndiqeni me poshte intervisten e zhvilluar me te:
-Si ju duket rivaliteti per titull kete sezon?
Sa i perket rivaliterit gara sa vjen dhe behet me e forte duke pare se ekipet si Laçi, Partizani, Teuta apo Tirana po tregojne force per te arritur objektivin titull.
-Sipas jush, kjo gje e rrit cilesine e futbollit shqiptar?
Normalisht kur ka rivalitet ka dhe cilesi, gje qe po e ben kampionatin akoma dhe me te bukur.
-Perpos kesaj, ajo qe ka udhehequr ne kete kohe kampionatin ka qene Vllaznia. Nje opinion per skuadren shkodrane?
Vllaznise i takon te jete ne keto nivele te larta per vete emrin e madh qe ka. Ajo gjithmone i ka dhene bukuri futbollit shqiptar.
-Ne ndeshjet e fundit, Vllaznia ka zhgenjyer jo pak me rezultatet e arritura. Mendoni se ato do ndikojne ne objektivat e skuadres?
Ndodh qe nje ekip ka krize ne nje moment te caktuar dhe kjo po ndodh me Vllaznine. Nuk mund te them qe Vllaznia po zhgenjen. Thjesht eshte nje ngerç qe do e kalojne. Sa per ndikimin e titullit mesa kam degjuar neper media nga drejtuesat nuk e kane patur objektiv titullin, por duke i marre ndeshjet nje e nga nje kane arritur aty ku jane tani. Vllaznia eshte brenda objektivave. Ndeshje ka plot perpara dhe nuk duhet ta fusin ekipin ne stres titulli.
-Se fundmi, ne karrieren tuaj sportive keni patur eksperienca te ndryshme, nje nder to dhe Vllaznia. Na thoni pak si i kujtoni çastet kur ju ishit lojtar i Vllaznise?
Eksperienca me e bukur qe kam kaluar ne karrieren time ka qene Vllaznia. Vazhdoj te ruaj akoma kujtime te bukura dhe respekt maksimal per qytetin e Shkodres dhe tifozat ne veçanti.
Intervistoi: Andi GJURGJEJ
