Një postim i futbollistit të Arsenalit, Mohamed Elneni mbi luftën midis Palestinës dhe Izraelit ka sjellë në tension midis sponsorëve dhe klubit anglez.
Elneni postoi në “Twitter” një foto me flamurin e Palestinës dhe me mesazhin “Zemra dhe shpirti im në mbështetje të Palestinës”. Ky postim ka bërë që sponsori “Lavazza Group” të ankohet tek drejtuesit e Arsenalit duke kërkuar laicitet dhe transparencë me lojtarët e klubit pasi mesazhet e tyre kanë jo pak ndikim.
Gjithsesi klubi anglez nuk ka qëndruar duarkryq dhe ka postuar një deklaratë në rrjetet sociale duke u shprehur se po bisedojnë me lojtarin dhe liria e tyre për tu shprehur është parim për klubin.
“Si me çdo punonjës të Arsenal, lojtarët tanë kanë të drejtë të shprehin pikëpamjet e tyre në platformat e tyre.
Drejtues të klubit kanë folur me Mo në lidhje postimin e bërë që ai të kuptojë implikime më të gjera në çështje të mëdha.
Si një klub ne jemi të përkushtuar të përballemi dhe të eliminojmë të gjitha format e diskriminimit dhe të vazhdojmë të përkrahim nevojën për barazi dhe diversitet në të gjitha fushat e jetës”, shkruan Arsenal në deklaratën zyrtare.
