E ardhmja e Vioresin Sinanit u bë misterioze në kampin kuqeblu pas emërimit të Elvis Plorit në rolin e drejtorit sportiv.
Sezoni 2022-2023 u mbyll me ish-golashënuesin më të mirë të kampionateve si drejtor sportiv, por klubi nuk bëri asnjë sqarim pas ndryshimeve në kupolën drejtuese dhe stafin e ri teknik.
Të shumta ishin zërat se Sinani do të largohej përfundimisht, duke mos pranuar postet e tjera që mund t’i propozoheshin. Së fundmi, presidenti i Vllaznisë, Alban Xhaferi, ka bërë një sqarim për të ardhmen e ish-sulmuesit, duke i propozuar Vllazninë U-17.
“Sinani është pjesë e Vllaznisë dhe do të shohim mundësinë brenda strukturës së klubit. Ndoshta një mundësi është te paratërinjtë. Ne thjesht kemi bërë ndryshime brenda familjes, asgjë më tepër”, ka thënë shkurtimisht kreu i klubit kur është pyetur për të ardhmen e legjendës së futbollit shkodran.
Vllaznia ka nisur punen per ndeshjet europiane dhe dy njerezit te cilet kane meriten e kualifikimit te skuadres per ne “Conference League” jane pikerisht drejtori sportiv Vioresin Sinani dhe trajneri Goce Sedloski. Te dy ata e moren skuadren ne javet e fundit te kampionatit, ne nje moment shume te veshtire per te, por ia dolen te arrijne objektivin minimal.Si rrjedhoje, padyshim qe meritojne edhe nje vleresim per kete gje
