Udhetimi i Vllaznise se femrave pritet te shoqerohet me nje atmosfere shume entuziaste ne Londer. Prej disa ditesh grupe te ndryshme emigrantesh shqiptare atje, shkodrane dhe jo vetem te cilet prej ditesh kane filluar organizimet per te mbeshtetur kampionen e Shqiperise ne kete takim ndaj Çelsit.
Vetem dy prej shkodraneve qe jetojne ne Londer Enkeleid Omi dhe Nderim Grabolli ose siç njihet ndryshe Nero Dobraçiani, mesohet te kene blere mbi 200 bileta te ndeshjes te cilat ua kane shperndare tifozeve qe duan te jene te pranishem ne te.
Por nderkohe edhe drejtuesit e Vllaznise nuk do te shkojne “duarbosh” drejt Anglise. Presidenti Matija mesohet te kete porositur nje numer te konsiderueshem fanellash kuqeblu, flamuj kombetare por edhe te Kosoves, shalla e te tjera dhurat qe do t’u shperndahen tifozeve per ta bere sa me te bukur dekorin ne “Kingsmeadow” mbremjen e se merkures.
Kuptohet qe Vllaznia ka shume pak shanse per te marre pike ne kete takim, megjithate ne stadium me shume siguri atmosfera do flase shqip. Tifozet kuqeblu do ta ndezin atmosferen dhe nuk perjashtohet mundesia qe ne stadium te kete me shume tifoze shqiptare se angleze.
Kjo eshte fitorja e madhe e Vllaznise ne fakt. Ajo po luan ne nivelet me te larta te futbollit europian dhe perveç mblodhi mbi 5 mije tifoze ne “Loro Boriçi” per sfiden ndaj Realit, tani do te mbeshtetet prej tyre edhe ne Paris e Madrid dhe kjo eshte diçka vertete fantastike./SHKODRA-SPORT.COM/
