Real Madridi më në fund ka zyrtarizuar nënshkrimin e Jude Bellingham. Një formalitet i pritur, pasi më 7 qershor, Borussia Dortmund njoftoi mbylljen e operacionit me klubin spanjoll për një shumë prej 103 milionë euro, plus bonuse.
Tashmë ka qenë klubi i bardhë që ka zyrtarizuar operacionin, i cili u shty nga BVB për shkak të detyrimeve të saj në bursë. Prandaj, operacioni ishte konfirmuar prej disa ditësh, në pritje të deklaratës zyrtare në faqen zyrtare të entitetit nga “Santiago Bernabeu”.
Siç njofton MARCA, Bellingham nënshkruan për gjashtë sezone me klubin e tij të ri, pra një kontratë deri më 30 qershor 2029. Më shumë se koha e mjaftueshme për t’i dhënë formë ndryshimit të pritshëm të brezave në mesfushën e Real Madridit, një proces që filloi me nënshkrimet e Camavinga dhe Tchoauméni dhe në të cilën ardhja e anglezit, një nga ato nënshkrime të konsideruara strategjike, është pjesë kyçe.
Një proces në të cilin ata do të kenë ndihmën e veteranëve si Kroos dhe Modric, me kroatin shumë të tunduar nga futbolli saudit, por me sa duket i gatshëm të luajë sezonin e ardhshëm te klubi i bardhë.
Me operacionin e Bellingham të konfirmuar tashmë nga të dyja klubet, mbetet vetëm të zgjidhet çështja se çfarë numri do të mbajë lojtari anglez në prezantimin e tij zyrtar si lojtar i ri i Real Madridit.
Të hënën e kaluar, pati ndryshime të rëndësishme në këtë aspekt, me Vinicius që mori 7-shin që lëshoi Hazard, Rodrygo mori 11-shin nga Asensio, Fran García mori 20-shin dhe Brahim Díaz mori 21-shin./telesport/
