Në stadiumin “Diego Armando Maradona” Napoli humbi 2-3 kundër Real Madridit për ndeshjen e dytë në grupin C të Champions League.
Tifozët panë pesë gola dhe luftë sportive, në një ndeshje që u zhbllokua pas vetëm 19 minutash nga vendasit me Ostigard. Në të 27-ten minutë Vinicius Junior barazoi për 1-1, para se Bellingham të merrte topin nga mesi i fushës dhe të shënonte për golin e epërsisë te “Galaktikët”.
Në pjesën e dytë Zielinski barazoi ndeshjen me penallti, ndërsa duhej një “predhë” e Valverdes në minutën e 78-të që të devijohej nga Meret në portën e tij për rezultatin 2-3.
Real me gjashtë pikë kryeson renditjen, ndërsa Napoli dhe Braga kanë tri pikë në këtë grup.
