Parketi i pallatit të sportit “Qazim Dervishi” është riparuar në pjesët ku ai ka shfaqur probleme. Kompania e cila ka realizuar punimet e këtij pallati, ka bërë disa ndrhyrje në pjesët e dëmtuara të parketit duke bërë që ai t’i rikthehet sipas tyre gjëndjes së mëparshme. Pas shumë akuzave e sigurisht kundërakuzave e diskutimesh mës palëve qoftë të kompanisë por dhe drejtuesve të pallatit të sportit, se prishja është bërë me qëllim apo është shkatkuar nga lagështira, është gjetur një zgjidhje e ndërmjetme.
Kompania që ka fituar dhe tenderin për rikonstruksionin e pallatit ka realizuar disa ndërhyrje duke mbyllur me beton, pjesët anësore të pallatit, pra në ëmnyrë që parketi të mos krijojë sërish hapje në dy anët e tij. Ndërkohë në pjesën ku ka patur ngritje të tij, është përdorur një gozhdim i tij, duke bërë që ai sipas kompanisë të jetë sërish funksional. Natyrisht një investim i tillë, i realizuar me punime cilësore duket qartë që nuk kanë qenë në nivelin e duhur. Por siç mësohet kjo ndërhyrje është bërë për ditën e martë ku Vllaznia do të luajë në këtë pallat, ndeshjen e dytë të Ligës Ballkanike, ku do të presë ekipin e Mornarit të Tivarit. Do të jetë kjo ndeshje, ku pallatit do ti bëhet edhe vëzhgimi nga drejtuesit e Ligës Ballkanike, që do të përcaktojë më pas dhe se çfarë do të bëhet me parketin e pallatit të sportit.
Anton ZALLI
