Një gjest aspak i fshehtë, i shoqëruar me një buzëqeshje të hidhur. Pas humbjes së konkretizuar me penalltinë e 3-1, të shënuar në minutën e 92-të nga Ruben Neves, Cristiano Ronaldo, nga stoli i Al Nassr, u kthye nga kamera që po e filmonte dhe bëri një gjest të qartë me dorën e djathtë, që nënkupton “vjedhje”.
Disa e interpretuan si një gjest me pesë gishta, për të kujtuar Champions League e fituara në karrierë. Al Hilali i Simone Inzaghi fitoi 3-1 ndaj rivalëve, duke u shkëputur në +7 pikë në renditje, pasi i kishte kaluar edhe në javët e fundit.
Vetë ylli portugez kishte shënuar golin e përkohshëm të avantazhit 1-0 në minutën e 42-të. Ky gol e çoi Ronaldon në kuotën e 959 golave në karrierë, duke iu afruar shifrës simbolike 1000. Por kjo nuk mjaftoi. CR7 dëshironte fitoren, teksa penalltia e dhënë në fund e largoi më tej titullin kampion.
