Pasi shijoi pushimet dimërore me familjen e tij në Dubai, tashmë Kristiano Ronaldo është rikthyer në Itali, ku vazhdon përgatitjet me Juventusin për ndeshjen e radhës ndaj Kaljarit.
Portugezi kërkon të tregojë më të mirën në Serie A, dhe tashmë synon të arrijë një rekord të ri me skuadrën e tij.
34-vjeçari ka shënuar në 4 ndeshjet e fundit dhe do të provojë të bëjë të njëjtën gjë edhe në ndeshjen e radhës.
Ronaldo nuk ia ka dalë të shënojë asnjëherë 5 ndeshej radhazi me Juventusin, teksa deri në katër ndeshje arriti në sezonin e kaluar.
Sezoni më i mirë për portugezin në këtë aspekt ka qenë në 2014-2015, kur shënoi në 10 ndeshje radhazi me Real Madridin.
