Kinglsei Koman ka qenë një nga emrat kryesorë në radhët e Bajern Mynih në vitet e fundit, duke ndihmuar ekipin bavarez të triumfojë në Bundesligë por edhe Europë. Por me sa duket ai nuk do të jetë më pjesë e skuadrës gjermane, pasi ka kërkuar transferimin.
Klubet kryesore angleze, por edhe ato spanjolle e PSG janë interesuar vazhdimisht për anësorin ofensiv, e ky është gati të largohet, pasi mendon se te Bajerni nuk e vlerësojnë sa duhet. Oferta e fundit që i është bërë për rinovim, është refuzuar menjëherë nga ai, pasi Koman e ka parë se nuk është në të njëjtat parametra financiarë sa ajo e yjeve të tjerë të skuadrës, edhe pse kontributi i tij në këto vite ka qenë i jashtëzakonshëm.
Fakti që ai do të përfitojë më pak se Leroi Sane, i cili me Flik nuk ishte as një titullar i garantuar, e ka nervozuar jashtë mase francezin. Këndvështrimi i tij rreth nënvlerësimit që i bëhet nga bavarezët vjen edhe për shkak të fanellës që dëshiron prej kohës, por që kubi nuk ia jep. Koman ka kërkuar që në fillim 10-ën, por Bajerni ia ka kaluar atë fillimisht Kutinjos, e më pas Sane.
Si rrjedhojë, ai lajmëroi drejtuesit që të nisnin negociatat me klubet që kërkojnë shërbimet e tij, pasi mendon se në ekipe të tjera, do të jetë më i vlerësuar e të cilësohet një emër thelbësor për projektin. /vipsport/
