Tirana dhe Partizani do të masin forcat sot në orën 18:00. Derbi do të luhet në stadiumin “Air Albania” dhe interesi i tifozëve deri tani është shfaqur i ulët. “Panorama Sport” mëson se nuk është kaluar numri i 3000 biletave të shitura.
Kështu ekziston mundësia, që të shikohet ndoshta derbi me numrin më të ulët të tifozëve në “Air Albania”.
Fakt mbetet ndërkohë edhe se shumë prej tifozëve shpesh e lënë për në moment të fundit sigurimin e biletës, duke ditur se interesi është i ulët.
Rreth 7 orë kanë mbetur nga fillimi i ndeshjes. Ky derbi e gjen Tiranën në vend të fundit pas 14 javësh, ndërsa numëron 10 pikë më pak se Partizani i vendit të gjashtë.
