Futbollisti shqiptar Edon Zhegrova po arrin të konsolidohet mjaft mirë në skuadrën e Bazelit duke u kthyer në një lojtar të rëndësishëm në radhët e zviceranëve.
Javën e kaluar, Zhegrova shkëlqeu në fitoren e thellë 6-1 të Bazelit ndaj Sionit duke dhënë dy asist dhe dukë realizuar një gol.
Performanca e 22-vjeçarit është shpërblyer dhe është shpallur lojtari i javës në kampionatin zviceran të futbollit.
Zhegrova bëri paraqitje mjaft të mira ndaj Partizanit në Ligën e Konferencës ku në sfidën e parë hyri nga stoli dhe goditi shtyllën, ndërsa në ndeshjen e kthimit zbriti në fushë si titullar duke goditur përsëri shtyllën, i pafat shqiptari në të dyja rastet.
