Olsi Gocaj dhe Xhevahir Sukaj mund të rikthehen te Flamurtari. Si mbrojtësi 31-vjeçar, ashtu edhe sulmuesi i njohur janë takuar me presidentin Sinan Idrizi.
Ky i fundit, siç raporton shtypi i shkruar, u ka kërkuar rikthmin në skuadër për të dhënë kontributin e tyre për kuqezinjtë. Ekipi vlonjat gjendet në vendin e shtatë në tabelën e kalsifikimit të Grupit B në Kategorinë e Parë.
Merkato e klubit të Flamurtarit vijon të jetë e bllokuar për shkak të borxheve të shumta. Megjithatë për dy lojtarët e sipërpërmendur ekziston mundësia për t’iu bashkuar pa asnjë peripeci vlonjatëve. Sezonin e shkuar ata ishin pjesë e Flamurtarit dhe pas largimit nga kuqezinjtë nuk janë bashkuar me asnjë ekip tjetër.
Duke qenë se janë lojtarë të lirë, rregullorja e lejon që ata të mund të federohen sërish me ish-skuadrën. Pritet të shihet se çdo të ndodhë, ndërsa duhet theksuar se ekipi vlonjat është përqëndruar maksimalisht te elementët e rinj./newsport/
