Belajdi Pusi po kalon një formë fantastike në Rusi, ku vesh fanellën e Fakel Voronesh. Sulmuesi shkodran është emri kryesor i repartit të avancuar për klubin e kategorisë së dytë ruse, i cili po dominon kampionatin dhe është padyshim kandidati kryesor për ngjitjen në elitë.
Në ndeshjen e sotme të Fakel Voronesh ndaj Rotor Vollgograd, Pusi ishte protagonist absolut, teksa tundi dy herë rrjetën.
Në minutën e 42-të, ai mori me vete mbrojtësit në zonë dhe me një kthesë të fortë shënoi golin e avantazhit
SHIH VIDEON
Pak minuta pas fillimit të pjesës së dytë, ai përsëriti veten duke tundur rrjetën, këtë herë me një gjuajtje perfekte me kokë pas një krosimi nga e djathta.
SHIH VIDEON
Me këto dy gola, Pusi u ngjit në kuotën e 8 rrjetave të tundura në këtë sezon me fanellën e Fakel Voronesh në kampionatin rus.
