Skënderbeu është drejt shkrirjes si skuadër, ose të paktën I historisë dhe tetë trofeve kampion në Kategorinë Superiore. Drejtuesit e korçarëve po mendojnë një skenar kun ë krye është falimenti I kontrolluar dhe rikthimi me tjetër stemë, ngjyra dhe emër si pretendent të elitë dhe Kupat Europiane.
Ideja është e thjeshtë, Skënderbeu shpall falimentin dhe rrëzohet në Kategorinë e Tretë. Në Superligë ngjitet Besëlidhja që luajti në play-off me Vllazninë dhe vendin e lezhjanëve në të parën e zë Maliqi. Pikërisht këtu synohet që të investojë Ardian Takaj, te fqinjët maliqarë duke I quajtur Akademia Sportive Skënderbeu (AF Skënderbeu).
Presidenti Takaj është takuar me dy kryebashkiakët e Korçës dhe Maliqit duke kërkuar ndihmë për këtë ide, ndërsa Gjykata e Zvicrës la në fuqi dënimin me 10 vite nga kompeticionet europiane për bardhekuqtë, për dyshime në trukim ndeshjesh. Besohet se e enjtja e javës që vjen do jetë vendimtare, me FSHF-në që do marrë një vendim për këtë çështje.
