Barcelona nuk po kalon një moment shumë të mirë. Ekipi katalanas nuk po arrin të dalë te loja e saj më e mirë, ndërsa Quique Setien nuk ka kthyer ekipin në rrugën e duhur që pas largimit të Ernesto Valverdes.
Emri tjetër që pritet të largohet nga skuadra spanjolle është mesfushori Arthur Melo. Braziliani shihej si zëvendësuesi ideal i Xavit dhe talenti nuk i mungon.
Lojtari ka shfaqur shumë cilësi në fushën e lojës, por ka probleme me drejtuesit dhe trajnerin Setien.
Ky i fundit po vuan shumë nga sjellja e lojtarit të tij. Vera mund të sjellë shpëtimin e tij, pasi kampionët në fuqi të Spanjës duan ta largojnë. Ata pritet të përfitojnë një shifër të majme nga shitja e tij./telesport/
