Kastrioti shijoi gjashtë javët më të mira në Superiore dhe vetëm dje pësoi humbjen e parë. Në ndeshjen me Vllazninë, trajneri Ramazan Ndreu qëndroi në këmbë gjatë gjithë ndeshjes, madje krahas udhëzimeve për ekipin, nuk e ndau as çadrën nga dora për shkak të reshjeve të shiut.
Gjatë ndeshjes nuk munguan kritikat për lojtarë të veçantë, teksa stafi i kërkoi mbrojtësit të majtë, Indrit Prodani, të tregohej i kujdesshëm në ndërhyrje, për të mos marrë karton të verdhë, pasi do të plotësonte numrin katër të tyre.
Por, në fushë ndodhi e kundërta dhe tashmë titullari i Kastriotit do të mungojë në Ballsh.
Në ndeshjen e djeshme u kritikua edhe Silvester Shkalla, madje disa tifozë i kërkonin Ndreut ta largonte nga fusha kur u pësua goli i dytë.
