Diten e sotme, “Shkodra Sport” publikoi lajmin per nje deshire te Tiranes per te afruar ne ekipin e tyre ish-mbrojtesin e Vllaznise, Fallou Diagne dhe tashme mundesite jane reale qe ai te rikthehet ne Abissnet Superiore.
Mbrojtesi senegalez momentalisht eshte pa ekip dhe eshte ne kerkim te nje eksperience te re, teksa ne Shqiperi nuk i kane munguar ofertat, ku perveç Tiranes, ne bisedime me 32-vjeçarin kane qene edhe klube te tjera, por qe ofertat e tyre nuk e kane bindur ate.
Ne fakt, Tirana eshte skuadra qe ka ndjekur situaten e Diagne prej kohesh dhe burimet konfirmojne per “Shkodra Sport” se bisedimet mes paleve kane nisur tashme dhe jane ne tratativa se bashku per nje kalim te mundshem tek bardheblute. Megjithate, se sa do te realizohet dhe sa do te gjendet gjuha e perbashket mes paleve mbetet per t’u pare ne vijim.
Tirana i ka ofruar Diagne nje page prej 4 mije eurosh ne muaj, teksa mbrojtesi fillimisht nuk ka qene i kenaqur me shifren e ofruar nga drejtuesit bardheblu, por gjithçka mes paleve mbetet e hapur serish.
Bardheblute do te luajne tashme ne Kupat e Europes, ku do te kerkojne te kalojne sa me shume ture dhe Fallou Diagne do te ishte nje afrim perfekt, pasi behet fjale per nje mbrojtes me eksperience te madhe, qe ka luajtur per shume klube, perfshi edhe francezet e Nice.
Nderkohe, ashtu siç eshte raportuar me heret, nga Tirana pritet te largohet kapiteni Erion Hoxhallari, i cili ka firmosur nje parakontrate joshese ne Rumani, prandaj afrimi i Diagne behet i detyrueshem per te kompletuar repartin e prapavijes.
Maringlen ZHIVANI
