Kristiano Ronaldo dhe Lionel Mesi kanë hasur jo pak probleme në këtë sezon duke mos kontribuar me statistikat e tyre të zakonshme për ekipet respektive.
Portugezi ka shënuar 22 herë deri më tani në të gjithë turnetë, ndërkohë që argjentinasi ka shënuar vetëm 9.
Kundërpërgjigjja e yllit të PSG-së për rivalin e përjetshëm janë asistet, pasi ka dhuruar 13 të tillë, plot dhjetë më shumë sesa numri 7 i “Djajve të Kuq”. Sidoqoftë, në realizimet ekipore, të dy këta fenomenë kanë kontribuar pak a shumë me ritme të njëjta.
“Pleshti” është përfshirë në 22 gola të shokëve të tij, ndërkohë që Ronaldo ka ndikuar në 25 të tillë.
Portugezi është më i saktë pasi shënjestron portën në 57 për qind të rasteve, teksa Mesi nuk i kalon 50 për qind (45.8%).
Ky i fundit është më i saktë në pasime pasi 86.1 prej pasimeve të tij janë të sakta, ndërkohë që Ronaldo ndalet në kuotën 82.2 për qind.
