Ditën e djeshme u njoftua se Ibrahimoviç ka marrë një pjesë të aksioneve të Hamarbi, ekip rival ky i Malmos ku sulmuesi ka nisur karrierën e tij.
Pak kohë më parë për shkak të arritjeve të tij futbollistike, 38-vjeçarit iu ndërtua një statujë duke e nderuar atë. Mirëpo lajmin se Ibra do të jetë aksionar te Hamrbi, tifozët e Malmos nuk e kanë pritur aspak mirë.
Pikërisht statuja e ndërtuar në nder të Ibrës, ka qenë objekti ku tifozët e Malmos kanë nxjerrë inatin e tyre.
Ata kanë hedhur në krahun e sulmuesit një pjesë të tualetit, dhe një qese mbeturinash, në mënyrën që ta fyejnë atë.
Një gjest shumë i shëmtuar ky, por tifozët nuk kanë mundur ta kapërdijnë dot se ish-lojtari i tyre do të jetë aksionar te rivalët.
