Bruno Guimaraes është ftuar nga Kombëtarja e Brazilit për sfidat ndaj Bolivisë dhe Perusë që luhen në fund të muajit mars për kualifikueset e Botërorit 2022. Kjo është hera e parë për talentin që do të jetë pjesë e Selecaos.
Në momentin që trajneri Tite po lexonte listën e të grumbulluarve dhe ka thënë emrin e Bruno Guimaraes, në familjen e tij ka shpërthyer një festë e madhe.
Prindërit e mesfushorit të Lyon së bashku me qenin e tyre festuan nga gëzimi.
Guimaraes në janar u zyrtarizua si lojtar i Lyon, të cilët e morën nga Atletico Paranaense për 20 milionë euro.
Braziliani bëri një paraqitje mjaft të mirë edhe në Champions në sfidën ndaj Juventus.
