Mançester Junajtid ka konfirmuar numrat e fanellave të transferimeve të kësaj vere në “Old Trafford”. Kristian Eriksen do të mbajë bluzën me numër 14.
Mesfushori danez firmosi me parametër zero këtë muaj, ndërsa 6 muajt e fundit luajti për Brentfordin.
30-vjeçari ishte goditja e dytë në merkato për trajnerin Erik ten Hag pas transferimit të mbrojtësit të majtë, Tajrell Malacia, nga Fejnordi në fillim të këtij muaji.
Zgjedhja e parë Eriksenit ishte numri 8, por ai u mor këtë sezon nga Bruno Fernandesh.
Portugezi la 18-ën pasi 8-ta u lirua nga largimi i Huan Matës. Eriksen ka mbajtur numrin 8 kur luante për Ajaksin, ndërsa me Danimarkën ka 10.
Por gjatë 6.5 viteve që luajti në Premier Ligë me Totenhemin ai i mbajti numrin 23. Danezi u rikthye të luajë futboll në janar pas arrestit kardiak që pësoi në Europianin e verës së shkuar.
