Viktor Da Silva është zgjedhur si lojtari më i mirë i ndeshjes ndaj Apolonisë, teksa shënoi dopietë golash me Vllazninë.
Pas ndeshjes për “Gol pas Goli”, braziliani është shfaqur shumë i lumtur, teksa u shpreh se më e rëndësishme se gjithçka është fitorja e skuadrës.
“Nuk ka sesi të mos jem i lumtur për këtë fitore të skuadrës. Unë vija pas një goli të humbur ndaj Laçit. Jam shumë i lumtur. Më e rëndësishme se gjithçka është fitorja e skuadrës.
Kam edhe një vit kontratë dhe jam i detyruar të qëndroj këtu nëse nuk ka lëvizje nga klubi. Jam shumë i lumtur me gjithçka këtu. Duhet të vazhdojmë kështu dhe pse të mos ëndërrojmë për titullin kampion.”, tha Da Silva.
