Nese ka njeri qe ka dhene shume per sportin ne Shkoder e Shqiperi prej 32 vitesh pa shkeputje asnje dite, ai eshte trajneri i boksit i Vllaznise dhe i kombetares shqiptare Zef Gjoni. Sigurisht qe vemendja ndaj tij nuk ka munguar as ne media, por “Mjeshtri i Madh” ka edhe nje ankese per ate se çfare ndodhi ne kampionatin kombetar te boksit qe u zhvillua muajin e kaluar ne Tirane.
Pikerisht ne diten e finaleve, te gjitha TV kombetare kane mberritur ne sallen sportive “Fahrije Hoti” ku po zhvilloheshin ndeshjet dhe sapo kane marre vesh qe Vllaznia e siguroi titullin e 25-te, kane braktisur sallen duke mos qene asnje kamer e pranishme ne ceremonine e dorezimit te kupes. Nje gjest qe ka lene shije shume te hidhur tek Zef Gjoni e per kete ai shprehet:
“Me vjen keq qe te pakten mediat e Shkodres nuk ishin te pranishem ate dite kur u zhvilluan finalet, per ta pasqyruar ate sukses historik te Vllaznise kur fitoi titullin e 25-te kampion sepse ka qene kampionati me i bukur qe eshte zhvilluar ndonjehere.
Keqardhje e madhe per kete sepse ajo qe ndodhi me mediat e Tiranes nuk eshte aspak diçka e mire. Ato erdhen, i bene reklamen e duhur kampionatit, edhe atehere kur ne finale Tirana kishte 8 boksiere dhe ne 7 dhe te gjithe menduan se titulli do te mbeste ne Tirane.
Per kete arsye edhe diten e finaleve, sepse u mendua se 100 per qind ishte i fituar kampionati nga Tirana, madje drejtuesit e kesaj te fundit kishin bere gati edhe banketin per festen, por kur u pa qe Vllaznia do e fitonte titullin, iken nga pallati i sportit.
Diçka e shemtuar sepse kjo nuk i ben mire sportit te boksit. Nje gjest i tille tregon qarte se keto mediat kombetare jane anti- shkodrane. Per ta nuk vlente titulli i 25-te i Vllaznise, por vetem nese do te fitonte Tirana, do te benin lajm. E turpshme sepse ne ceremonine e dorezimit te kupes nuk kishte asnje kamer te pranishme, asnje televizion nuk e transmetoi kete sukses te Vllaznise”.
Dhe ne fakt ne fjalet e trajnerit Gjoni ka vend per t’u ndalur: E pakuptueshme sesi ne mes te Tiranes, te mos jete ne ceremonine e dorezimit te titullit, qofte edhe nje kamer e vetme. Qofte edhe nje fotograf per te fiksuar ne celuloid kete sukses te Vllaznise, por ne fund te fundit permbylljen e aktivitetit me te rendesishem kombetar te nje sporti si boksi.
Gjergj KOLA
