✍️ Shkruar nga Maringlen ZHIVANI
Pas përfundimit të ndeshjes mes Vllaznisë dhe Dinamos, nuk kanë munguar edhe “thumbimet” mes dy trajnerëve.
Trajneri i Dinamos, Ilir Daja u shpreh pas ndeshjes se skuadra e tij “i ka mësuar Vllaznisë si të luajë futboll”, deklaratë që ka ngjallur reagim nga trajneri kuqeblu, Edi Martini.
Trajneri shkodran, i njohur për përgjigjet e tij të drejtpërdrejta, u përgjigj shkurt dhe prerë.
“Po ta them unë këtë pranohet se kam luajtur te Vllaznia, por ta thonë këtë gjë njerëz që nuk kanë luajtur kurrë futboll, nuk e kanë këtë të drejtë”,-tha trajneri i Vllaznisë, Edi Martini, në prononcimin pas ndeshjes.
