Te Vllaznia çeshtja “Latifi” eshte prezente prej disa kohesh dhe sigurisht qe ne çdo pragndeshje interesimi i mediave por edhe i sportdashesve eshte nese ai do te luaje apo jo.

Keshtu ka ndodhur edhe ne pragndeshjen e rradhes, ate qe Vllaznia do te luaje diten e neserme ne Laç ndaj skuadres vendase duke filluar nga ora 13.00. I pyetur ne lidhje me kete teme, trajneri Josa ne konferencen e sotme per shtyp eshte shprehur:

“Kete nuk e vendosni ju nese do te luaje Latifi apo jo. E vendos klubi dhe une. Mund te them se deri tani nuk ka nje vendim per kete lojtar dhe si rrjedhoje nuk do te jete i gatshem as per ndeshjen e neserme ndaj Laçit”.

Ne kete menyre kjo dileme merr fund dhe sulmuesi anesor per te treten ndeshje rresht do te mungoje te Vllaznia. Drejtuesit e saj duket se nuk e kane nder mend ta falin kollaj veprimin qe Latifi beri ne ndeshjen me Teuten kur refuzoi te futej ne fushe ne pjesen e dyte te ndeshjes.

Ata kane marre persiper nje rrisk jo te vogel sepse dihen vlerat e ketij lojtari, por i kane dhene rendesi disiplines dhe rregullit ne skuader, prandaj dhe Latifi do ta shohe edhe ndeshjen e neserme nga televizioni./SHKODRA-SPORT.COM/