Në kampingun shkodran në Ulqin të Malit të Zi, sot janë bashkuar me skuadrën edhe disa futbollistë të ardhur për provë. Bëhet fjalë për malazezin Neleviç, tre serbët Luçiç, Vujaklija e Vlahoviç, shkodranin e ardhur nga Kanadaja Ferhati dhe një futbollist nga Etiopia me pasaportë italiane. Këta gjashtë futbollistë kanë zhvilluar seancat e para me skuadrën dhe trajneri Bushati tashmë do të ketë detyrën e testimit të tyre. Testimi i parë do jetë pasditen e nesërme në miqësoren që do të zhvillohet. Nga sa bëhet e ditur, stafi drejtues i Vllaznisë nuk ka ndër mend të marrë futbollistë që nuk bëjnë diferencën me lojtarët aktualë të skuadrës. Në kushte të tilla, të sapoardhurit do kalojnë mirë në sitë.Dëshira e trajnerit është të gjejë një mbrojtës të majtë, një mesfushor shkatërrues dhe një sulmues të majtë, pa llogaritur këtu mbrojtësin e qendrës teksa mendohet që të kthehet sërish Tefik Osmani pas negociatave që ka patur me të kandidati për president i Vllaznisë Agron Çela.www.shkodrasport.com
