Vllaznia e basketbollit per meshkuj ben mrekulline. Ajo e ka fituar sfiden e pare gjysmefinale ndaj Tiranes brenda ne fushen e kesaj te fundit dhe mbremjen e se shtunes ne Shkoder mund te kurorezohet si ekipi finalist i kampionat.
Takimi i pare gjysmefinal eshte luajtur pasditen e sotme ne sallen sportive “Fahrije Hoti” te kryeqytetit dhe vetem ne perioden e pare eshte dominuar nga basketbollistet e Tiranes qe e kane mbyllur ate ne shifrat 22-20.
Ne te dyten gjerat ndryshuan teksa ishte Vllaznia qe e kaloi ne favorin e saj avantazhin dhe dy ekipet shkojne ne pushim me rezultatin 39-36 ne favor te saj.
Kjo epersi erdhi duke u rritur teksa ekipi shkodran e mbyll perioden e trete ne shifrat 62-52. Ne te katerten kjo epersi shkoi deri ne 12 pike dhe me pas ishte Tirana qe mori frenat e lojes duke e ngushtuar rezultatin deri ne shifrat 69-68, por vetem kaq.
Skuadra kuqeblu e çoi deri ne tre pike avantazhin dhe ate e ruajti deri ne fund te ndeshjes ku fiksua rezultati perfundimtar 74-71 ne favor te saj. Nje fitore me shume vlere kjo e Vllaznise e cila hedh nje hap te sigurte drejt kalimit ne finale.
Gjithçka per kete do te vendoset te shtunen pasdite ne pallatin e sportit “Qazim Dervishi” ku ne rast te nje tjeter fitoreje te Vllaznise, ajo do te siguronte kalimin ne finale. Gjithçka eshte e mundshme duke e ditur edhe mbeshtetjen e madhe te tifozeve shkodrane qe pritet te jete ne anen e ketij ekipi.
Por perpos kesaj, Vllaznia e drejtuar nga trajneri Damian Bekteshi vazhdon te tregoje nje forme te shkelqyer teksa pasditen e sotme mori fitoren e gjashte ne shtate ndeshjet e fundit dhe ajo çka eshte me e rendesishmja, po shkon drejt finales se madhe.
Gjergj KOLA
