Kur dukej se gjërat po shkonin mirë tek Vllaznia në pragndeshjen me Burrelin, papritur për stafin teknik kanë dalë dy probleme.
Bëhet fjalë për dëmtimet e dy prej lojtarëve titullarë të cilat do ta detyrojnë trajnerin Lika të bëjë ndryshimet e duhura.
Kështu, mbrojtësi i majtë Antonio Marku ka ndjerë shqetësime dy ditët e fundit dhe nuk ka mundur dot të stërvitet me grupin.
Nga ana tjetër, mesfushori Ardit Krymi në seancën e sotme nuk ka mundur ta çojë atë dot deri në fund për disa shqetësime që ka ndjerë dhe për këtë arsye, e ka ndërprerë atë në mes.
Të dy këta futbollistë nuk do të luajnë nesër ndaj Burrelit dhe normalisht që kanë krijuar një problem që tashmë mbetet për t’u zgjidhur nga ana e stafit teknik.
© shkodrasport.com
