Deri më tani, Vllaznia ka zyrtarizuar vetëm tri afrime dhe bëhet fjalë nga një për çdo repart. Në mbrojtje, është afruar Dajan Shehi, në mesin e fushës Lorik Boshnjaku dhe në sulm, Kristijan Vulaj.
Ndërkohë, pritet që shumë shpejt të zyrtarizohet edhe një sulmues, i cili luan në të dy krahët e sulmit. “Shkodra Sport” mëson se palët janë drejt firmosjes për dy vitet e ardhshme, teksa kanë mbetur shumë pak detaje për t’u mbyllur.
Për këtë arsye, klubi nuk po e bën ende zyrtare, edhe pse të dyja palët parimisht kanë rënë dakord për bashkëpunimin midis tyre. Palët kanë kohë që janë në bisedime dhe gjithçka është afër akordin, por drejtuesit e Vllaznisë tregohen të rezervuar për emra.
Me këto katër përforcime, “mbushet” disi edhe gropa e largimeve, të cilat për hir të së vërtetës, nuk kanë qenë të pakta dhe të parëndësishme, teksa janë larguar Diagne, Adili, Krymi dhe Da Silva, katër futbollistë të formacionit titullar.
Maringlen ZHIVANI
