Te Vllaznia largimet sigurisht që do të pasohen me afrime, por është ende herët që në Shkodër të shohim lëvizje në hyrje. Pa u qartësuar mirë se cilët futbollistë do të qëndrojnë, nuk mund të bëhen lëvizje.
Kështu, mendohet që nga java e ardhshme, do të qartësohet plotësisht edhe situata me ata që do të qëndrojnë dhe që janë pjesë e projektit të Josës dhe vetëm më pas do të bëhen afrimet.
Burimet për “Shkodra Sport” pohojnë se do të ngrihet një ekip pretendent dhe dëshirat e trajnerit Josa në merkato do të plotësohen, si garancia e vetme për të pasur një sezon kompetitiv dhe konkurrues në kampionat.
Fakti që skuadra do të luajë në Europë nga fundi i korrikut, i jep njëfarë luksi klubit dhe trajnerit Josa që të mos nxitohen dhe të shohin mirë futbollistët që do të afrojnë.
Maringlen ZHIVANI
