Pas dy ndeshjeve me Kukesin dhe Tiranen ne kampionat, ku u duk se skuadra beri autokritike, Vllaznia u kthye pas pauzes me nje humbje dramatike ndaj Egnatias me shifrat 0-1. Realisht, ishte nje ndeshje per kuqeblute, te cilet pesuan ne minutat e fundit te pjeses se pare me nje gabim amator prej tyre dhe u dhuruan fitoren rrogozhinasve.
Gjithsesi, pervec rezultatit zhgenjyes, qe i shkeputi me gjashte pike nga Tirana kryesuese, Vllaznise i duhet te perballet me demtime te tjera, qe ne kete vit e kane penguar skuadren te krijoje nje bosht solid dhe te shmange luhatjet kaq te shumta ne loje dhe rezultate.
Me Egnatian, Liridon Latifi shfaqi probleme serish. Nderkohe, Marko Juric dhe Darko Bulatovic nuk u grumbulluan fare per kete sfide, pasi nuk jane stervitur prej javesh me ekipin.
Megjithate, per te qendruar tek situata e Latifit, mesfushori kosovar u aktivizua nga stoli ndaj Egnatias, por luajti shume pak, sepse shfaqi probleme dhe doli nga fusha duke caluar. Madje, ne momentin e daljes nga fusha e lojes, kosovari nuk mundi te ecte i vetem me kembet e tij, por u shoqerua nga mjeket e kuqebluve drejt stolit.
Diten e sotme, ai pritet te kryeje vizitat mjekesore per te mesuar shkallen e demtimit, por e sigurt eshte se do te mungoje ne ndeshjen ndaj Kastriotit te premten. Ish-mesfushori i Skenderbeut ka pasur probleme te shumta fizike ne kete sezon, qe duket se nuk po i buzeqesh per sa i perket ketij aspekti.
Maringlen ZHIVANI
